Үндэсний их баяр наадмаар арав даван түрүүлсэн О.Хангай “ТОЁОТА брэндээс наадмын түрүү бөхөд олгодог шагналаараа ЭХЭМТ-ийн хүүхдийн амбулаторийг засварлан тохижууллаа.

Засвар, шинэчлэлтийн ажлыг “Hello Design” ХХК хийсэн. Тохижилтын ажлын хүрээнд :

Амбулаторийн үйлчлүүлэгчдэд зориулсан зай талбайг томруулж, хүлээлгийн хэсгүүдийг зөөлөн сандалтай болгож, гэгээлэг өнгөөр будсан.
Амбулаторийн хананд хүүхдүүдийн мэддэг, тэдний дуртай хүүхэлдэйн кино, номын баатруудын гол дүрийн зураг, үйл явдлыг уран сайхны аргаар зурж, эерэг, дулаан уур амьсгал бүрдүүлсэн,
Ариун цэврийн өрөөг хүүхэд, асран хамгаалагчид, хөгжлийн бэрхшээлтэй иргэдэд зориулан орчин үеийн стандартын дагуу хийсэн
Хана, хаалга, тааз, шалны өнгийг шинэчилсэн нь эмнэлгийн орчинд зохицсон, хүүхэд болон асран хамгаалагчдад таатай сэтгэгдэл төрүүлэхүйц болгосон байна