“Улаанбаатарын өвлийн наадам” энэ амралтын өдрүүдэд буюу хоёрдугаар сарын 3,4-нд  Үндэсний цэцэрлэгт хүрээлэнд болно.

“Улаанбаатарын өвлийн наадам”-аар гадаад дотоодын жуулчдад Монголын ёс заншил, өв уламжлал, үндэсний тоглоом наадгай, соёлыг сурталчлан таниулах, шинэ тутам хөгжиж буй нийтийн биеийн тамир, спорт, аяллын төрлүүдийг иргэдэд сурталчлах ач холбогдолтой юм.

Энэхүү наадмаар залуучууд снөүбоард, рагби, тэшүүр, мөсөн хананд авиралтын үзүүлбэр тэмцээнүүдийг сонирхож, өвлийн дугуй, нохой чаргаар гулган амьтадтай зураг даруулах боломжтой юм. Наадмын үеэр 3,5 метрийн диаметртэй том тогоонд мастер тогооч нар цуйван сэгсэрч хоолны шоу үзүүлбэр үзүүлэх юм. Гэр бүлийн буухиа,  олс таталтын тэмцээн зохион байгуулагдаж үндэсний хувцастай шилдэг оролцогчийг шалгаруулах юм.