Сонгинохайрхан дүүргийн 22 дугаар хорооны иргэн С.Лхагвадулам нийслэлийн 84 дүгээр сургуулийн сурагчдын эцэг эхчүүдийг төлөөлж, тус сургуульд спорт заалны өргөтгөл бариулах хүсэлтийг нийслэлд уламжиллаа. 84 дүгээр сургууль нь 255 багш ажиллагсад, 5886 суралцагчтайгаар үйл ажиллагаагаа явуулдаг. Сургуулийн 2223 сурагч зориулалтын бус, урлагийн зааланд спортоор хичээллэсээр ирсэн байна.