Орос Украины тулаан 5 долоо хоног үргэлжилж байна. Оросууд төвийн хотууд руу хийх давшилтаа бууруулан Донбасс орчимд илүү анхаарал хандуулж эхэллээ. Хотуудад 20 км дөхөөд давшилтаа эрс сулруулсан бөгөөд зүүн чиглэлд хийх довтолгоо эрчимжиж байна. Хоёр талын цахим уулзалт өнөөдөр үргэлжилнэ. Дэлхийн хэвлэлүүд “В.Путины эргэн тойронд байгаа хүмүүс худлаа мэдээлэл түүнд өгч байна. Бодит байдлыг мэдэхгүй байна” гэж бичих болсон. Кремлийн хэвлэлийн төлөөлөгч Дмитрий Песков “Төрийн департамент, Пентагоны аль аль нь Кремлийн ордонд юу болж байгаа талаар бодитой мэдээлэлгүй байдаг нь эндээс харагдаж байна. Бүрэн ойлголтгүй байдал нь буруу шийдвэр гаргах, эмгэнэлтэй үр дагаварт хүргэх аюултай” гэжээ. Харин В.Зеленский хоёр улсын төлөөлөгчид В.Путин бид хоёр уулзуулж чадвал үр дүнд хүрнэ гэж мэдэгдсэн байна.
ОХУ шатахууны асар их нөөцтэй орон. Хоригоос шалтгаалж дэлхийн улс орнуудад шатахууны үнэ өсөх болсон. Жо Байден АНУ-ын стратегийг шатахууны нөөцийг ашиглах шийдвэр гаргажээ. Үүнтэй холбоотой Европын холбооны хориг дэлхийн зах зээлийг хямрааж байна гэж эдийн засгийн судлаачид онцолж эхэллээ