ОХУ-ын эсрэг өргөн хүрээг хамарсан хориг арга хэмжээ авч, олигархиудын хөрөнгийг хурааж авсан. Энэ үеэр Оросын ерөнхийлөгч Владимир Путинтэй холбоотой байж болзошгүй 700 сая долларын үнэтэй супер дарвуулт Шехеразада хөлөг онгоцыг шалгасан. Шалгалтын үеэр онгоцонд сууж явсан Оросын багийн гишүүд 459 фут өндөртэй тансаг хөлөг онгоцоо орхин ажлаасаа гарчээ.2020 оны намраас хойш Оросын 10 орчим офицерыг багтаасан 20 багийн гишүүд ажиллуулж байжээ. Дарвуулт онгоц нь асар том бөгөөд хоёр нисдэг тэрэгний буудал, рашаан, гурван саун, усан бассейн болон бусад тансаг зэрэглэлийн өрөөнүүдтэй.

Шехеразада хэмээх нууцлаг хөлөг онгоц сүүлийн хоёр долоо хоногийн турш Тосканы хойд хэсэгт орших Марина ди Каррара боомтод байгаа юм. Албан ёсны эзнийг тодруулах гэсэн нь маргаан дэгдээгээд байсан юм.

Орон нутгийн үйлдвэрчний эвлэлийн удирдагчид болон ажилчид дарвуулт завины өмчлөлийн талаар маргаан үүсгэж олон улсын мөрдөн байцаалт явагдсны дараа багийнхан ажлаасаа гарч, далайн эргийн хотоос гэнэт явсан.

Харин Шехеразада хөлөг онгоц байршиж буй зогсоолыг эзэмшдэг Италийн тэнгисийн групп “Холбогдох байгууллагуудын хийсэн шалгалтын үндсэн дээр дарвуулт онгоцыг “ОХУ-ын Ерөнхийлөгч Владимир Путины өмчид хамааралгүй” болохыг мэдэгджээ.

Оросын эсрэг хориг арга хэмжээний нэг хэсэг болгон Франц Оросын хэдэн зуун сая долларын үнэтэй дарвуулт завинуудыг хураан аваад байна.

Эх сурвалж: Фортуна.ком