АНУ-ын Сангийн яам Ерөнхийлөгч Жо Байдены тушаалын дагуу Оростой алтны гүйлгээ хийхийг хориглолоо. Өнгөрсөн хоёрдугаар сард Орос Украин руу довтолсны дараа рублийн ханш нэг пеннитэй харьцуулахад ам.доллараас доош унасан.
Хоригт “АНУ-ын иргэд, ОХУ-ын Төв банк, ОХУ-ын Үндэсний баялгийн сан, ОХУ-ын Сангийн яамтай холбоотой аливаа гүйлгээ, түүний дотор алттай холбоотой гүйлгээ хийхийг хориглоно” гэжээ.
Орос улс алтны нөөцөөрөө дэлхийд тавдугаарт ордог. Ойролцоогоор 2300 тонн үнэт металлыг эзэмшиж 140 тэрбум доллараар үнэлэгдэж байсан юм. Тус улс алтны нөөцөө бүрдүүлсээр байгаа бөгөөд улс орныхоо эдийн засгийн даатгалын бодлого гэж хэлж байсан юм. Оршин суугчид рублийн ханшийн уналтаас баялгаа хамгаалахыг эрмэлзэж байгаа тул ОХУ-д алтны эрэлт их байна. Хоёрдугаар сарын 24-нд Орос Украин руу дайрсны дараа Оросын мөнгөн тэмдэгт ам.доллартай харьцах ханш 1 центээс доошиллоо. Энэ онд рублийн ханш ногоонтой харьцах ханш 26 орчим хувиар унасан бол алтны үнэ 2022 онд 7 гаруй хувиар өссөн байна.

Эх сурвалж: Business Insider