Авто замын сүлжээгээ өргөтгөн 21 аймгийн 106 сум, таван боомтыг хатуу хучилттай авто замаар холболоо

access_time 2022-03-25 10:48

Зам, тээврийн хөгжлийн яам болон Монголын Авто замчдын холбоо хамтран зохион байгуулж буй“Авто зам-Экспо 2022” найм дахь удаагийн олон улсын үзэсгэлэн, бага хурал эхэлсэн. Монгол улс авто замын сүлжээгээ жил бүр өргөтгөн тэлж 21 аймгийн 106 сум, таван боомтыг хатуу хучилттай авто замаар холбосон гэдгийг онцоллоо

Хурлын үеэр Монголын Авто замчдын холбооны Ерөнхийлөгч, Монгол Улсын зөвлөх инженер Т.Бямбаа “Монголын Авто замчдын холбоо нь анх байгуулагдсан цагаасаа эхлэн олон улсын үзэсгэлэнгээр явж, туршлага судлан, улсдаа ч мөн адил зохион байгуулах шаардлагатай юм байна гэдгийг ойлгосон. Ийнхүү үзэсгэлэн санаачлан зохион байгуулаад найман жил болжээ. Замын салбарт ажиллаж буй инженер, техникийн бүхий л ажилтан энд ирж, туршлага, санал солилцдог. Түүнээс гадна аливаа тулгамдаж буй асуудлыг шийдвэрлэхэд энэхүү олон улсын үзэсгэлэн, бага хурлын үйл ажиллагаа чухал дэмжлэг болно гэдэгт итгэлтэй байна” гэв.

 

Шинэ мэдээ