Орчлон ертөнц олон сонин содон, шинэ ертөнцөөр дүүрэн байна. Эрдэмтэд манай нарны аймгаас гадна 5000 гаруй гараг байгааг илрүүлснийг НАСА мэдэгдлээ. Сансрын дуран улам боловсронгуй болохын хэрээр эрдэмтэд илүү олон гараг олж, хүмүүсийн мэдлэгийг тэлсээр байна. 2009 онд хөөргөж, 2018 онд ашиглалтад орсон Кеплер сансрын дуран нь 2600 гаруй гаригийг нээсэн юм. Гэтэл эрдэмтэд дахин “Дэлхий шиг жижиг, чулуурхаг ертөнц, Бархасбадь гарагаас хэд дахин том хийн аварга том гарагуудыг оллоо. Оддын эргэн тойронд маш ойрхон тойрог замд байна гэдгийг онцолсон. НАСА-гийн Экзопланет судлалын хүрээлэнгийн судлаач Жесси Кристиансен “Энэ бол зүгээр нэг тоо биш” гэж мэдэгдлээ.

2020 онд НАСА Кеплер сансрын дурангийн ажиглалтын тусламжтайгаар нээсэн экзопланетуудын дунд Дэлхийтэй төстэй гаригийг олсон байсан юм. НАСА-гийн мэдэгдлийн нэг хэсэг болох 30 жилийн өмнөх анхны экзопланетуудын тухай өгүүлсэн нийтлэлийн гол зохиогч байсан Александр Вольщзан энэхүү хайгуулыг үргэлжлүүлснээр эрдэмтэд бусад гаригуудад амьдрал байх шинж тэмдгийг олж мэдэх магадлалтай гэжээ.

Эх сурвалж:Ройтерс