ОХУ-ын хамгийн том нисэх онгоцны буудал Шереметьево бүх хөрөнгө оруулалтын төслүүдээ түр хугацаагаар царцаасан байна. Барууны орнуудын хориг арга хэмжээний улмаас зорчигчдын таван терминалын хоёрыг хаалаа. Мөн олон улсын агаарын тээвэрт албадан хязгаарлалт тавьсан гэсэн шалтгаанаар хөөрч буух зурвасынхаа нэгийг ашиглалтаас гаргажээ. Ажилчдынхаа тавны нэгийг халж, цалингийнх нь гуравны хоёрыг олгохоор болсон. Шереметьево нь Европ дахь хамгийн ачаалалтай нисэх онгоцны буудлуудын нэг байсан ба зүүн болон барууныг холбосон дамжин өнгөрөх тээврийн төв юм. Хориг арга хэмжээний улмаас Орост нийлүүлэх ихэнх онгоц, сэлбэг хэрэгслийн нийлүүлэлтийг зогсоогоод байгаа юм. Түүнчлэн Уралын хувийн өмчит агаарын тээврийн компани ч мөн өнгөрсөн долоо хоногт зарим ажилчдаа халахаас өөр аргагүйд хүрсэн гэж мэдэгдлээ.