409 дүгээр хорих ангид хоригдож буй Э.Бат-Үүл өлсгөлөн зарлах болсон талаар түүний өмгөөлөгч А.Пүрэвдулам, хүү Б.Чулуудай мэдээлэл хийлээ..
Б.Чулуудай, Аав минь “Путины колончлол эргэн ирэх үү?” гэсэн нийтлэл бичсэнийг прокуророос гаргуулаагүй. Агуулга нь данйыг эсэргүүцсэн энх тайвныг уриалсан агуулгатай байсан. Надад болон ач охиндоо захидал бичсэнийг өгөлгүй захидал харилцааны эрхийг нь хассан. Эрхээ сэргээлгэхээр хандсан боловч шийдвэрлээгүй. Тиймээс хууль ёсны эрхээ сэргээлгэхийн тулд хорих ангид өлсгөлөн зарлах болсноо мэдэгдлээ. Ар гэрийнхэн бид болон өмгөөлөгч нь өлсгөлөн зарлахыг дэмжихгүй байгаа. Залуу хүн биш учир эрүүл мэндэд нь санаа зовж байна.
Өмгөөлөгч А.Пүрэвдулам, Монгол Улсын баатар Э.Бат-Үүлийн гэм буруугийн байдал шүүхээр эцэслэн тогтоогдоогүй. Хорих 409-р анги бол дамжин өнгөрөх хорих юм. Тиймээс энэ хүний хэвлэн нийтлэх болон захидал харилцааны эрхийг хязгаарлах эрх зүйн үндэс байхгүй гэдгийг онцлон хэлмээр байна гэсэн юм