Хятадын Eastern Airlines компанийн онгоц осолдож 132 зорчигчоос нэг ч хүн амьд үлдээгүй болохыг Хятадын төрийн мэдлийн Синьхуа агентлаг албан ёсоор мэдээллээ. Аврагчид онгоцноос зөвхөн үлдэгдэл олсон байна. Мөрдөн байцаагчид Гуанси толгод дахь ой модтой газарт осолдсон шалтгааныг тогтоохоор ажиллаж байгаа. Онгоцны “хар хайрцаг”-ны нислэгийн бичлэгийг олоогүй хайж байна. Тен мужийн Вужоу хотын ойролцоо уулархаг газар онгоц осолдсон.Бороо орж байгаа учраас эрлийн ажилд хүндрэл учруулж байна. Куньмин хотоос Гуанжоу руу нисч байсан бөгөөд орон нутгийн цагаар 15:05 цагт ирэх ёстой байсан. Харин нислэгийн удирдагчид 14:15 цагийн орчимд онгоцыг мөрийг алдсан. Нислэгийг хянах Flightradar24.com вэб сайтаас авсан мэдээллээс харахад Хятадын Eastern Airlines компанийн онгоц 30.000 фут өндөрт, 523 миль/цаг хурдтай явж байгаад гэнэт унасан байна. Ослын шалтгааныг урьдчилсан байдлаар өндрөө алдсан гэж дүгнэж байгаа аж. Өндрөө алдах нь өндөр хурдтай явж байх үед гардаг ноцтой гэмтлийн нэгэнд тооцогддог юм байна. Молан тосгоны Лю овогтой оршин суугч аврах ажиллагаанд туслахаар ослын газар руу явсан боловч ямар ч үлдэгдэл хараагүй байна. Онгоцны ослоос шалтгаалан Boeing 737-800 загварын бүх онгоцны нислэгийг цуцалсан. Airlines компани онгоцонд сууж явсан хүмүүсийн талаар мэдээлэл авахыг хүссэн хүмүүст зориулан тусгай утас ажиллуулж эхэлжээ.