Монгол хүн сансарт ниссэний 41 жилийн ойн өдөр, Усны өдөр тохиож байна. Мөн өнөөдөр өдөр шөнө тэнцэнэ. 1981 оны гуравдугаар сарын 22-нд ЗХУ-ын хошой баатар, БНМАУ-ын баатар, ЗХУ-ын сансрын нисэгч Владимир Александрович Жанибеков, БНМАУ, ЗХУ-ын баатар, БНМАУ-ын сансрын нисэгч Жүгдэрдэмидийн Гүррагчаа нарын бүрэлдэхүүнтэй хамтарсан баг “Союз-39” хөлгөөр сансарт хөөрсөн юм. Тус хамтарсан баг гуравдугаар сарын 30-нд 19.42 цагт эх дэлхийдээ амжилттай буусан түүхтэй.
Монгол Улс усны нөөц улаан түвшинд хүрэх нөхцөл байдал үүссэн. МУ жилд 220 мянган м3 газар доорх ус ашигладаг. Жил бүр усны хэрэглээ нэмэгдсээр 240 мянган м3 болсон. Дулааны цахилгаан станцууд 30-40 мянган м3 газрын доорх ус ашигладаг юм. Гадаргын болон газрын гүний ус бие биеэ нөхдөг. Газрын гүний ус жил бүр багассаар байгаа. Уул уурхайн компаниуд, орон сууцанд амьдардаг иргэдийн усны хэрэглээ өндөр байдаг. Тиймээс хэрэглээ өндөртэй хэсгийн усны үнийг нэмж, хэрэглээ бага гэр хорооллын усны үнийг нэмэхгүй байх талаар холбогдох түвшинд яригдаж эхэлсэн байна. Туул голын ус багасах нь гадаргын ус газрын гүний усаа нөхсөнтэй холбоотой бөгөөд усны нөөцийн байгууламж барих шаардлагатайг .усны мэргэжилтнүүд онцолж байгаа юм.