Хөгжлийн банкны дуулиан дэгдээд намжиж амжаагүй байхад хаврын бүтээн байгуулалтын их ажлыг уясан нэгэн мэдээ гарсан нь цементын үнэ нэг тонн нь 220.000-300.000-д хүрсэн мэдээ байв. Барилга байшингийн суурь тавихаас эхлээд өрлөг хийхэд хүртэл хамгийн ихээр ашиглагддаг материал бол цемент. Тонн цемент оны өмнө 150 орчим мянган төгрөгөөр худалдаалагдаж байсан бол өнөөдөр 60-80 мянган төгрөгөөр нэмэгдсэн.
Үнийн өсөлтийг аж ахуйн нэгж дийлэхгүй орон сууц, барилгын ажил зогсоох дээрээ хүрэхэд Барилга хот байгуулалтын яамнаас цемент үйлдвэрлэгч компаниудад цементийн үнийг 10% буулгах санал тавьсан. Хариуд нь Хөгжлийн банкны зээлийн асуудлыг шийд гэсэн нь олны дургүйцлийг хүргэв. Шуудай цемент гаднаас оруулж ирэхэд 8700 төгрөг, дотоодод 14 мянган төгрөг байна. Гаднаас цемент оруулах боломжийг нээлээ гэхэд хил гаалийн гацаа, тээвэр ложистикийн саатал уяа болж байгаа юм. Бүтээн байгуулалтын олон ажил зээл, төлөлт, үнийн өсөлтөнд тулаад зогсохгүй гэж хүлээе.