Орос, Украины тулаан эхэлснээс хойш хэлэлцээр хийгдэж байгаа ч үр дүнд хүрээгүй. Харин өнөөдрөөс В.Путин энхийн хэлэлцээр хийхийг зөвшөөрсөн гэсэн мэдээлэл хэвлэлүүдээр цацагдаж эхэллээ. Хэзээ нэгэн цагт энхийн хэлэлцээр хийхээр ширээний ард сууна гэдгээ мэдэж байсан гэж В.Путин хэлсэн байна. Одоогоор Оросын арми Херсон хотыг мэдэлдээ авсан. Мариуполь хотод тулж ирээд бууж өгөх хугацаа өгөөд байна. ОХУ Хятад хоёр улс жилд 147 тэрбум ам долларын худалдаа хийдэг. Цаашид 250 тэрбум ам долларт хүрнэ гэж тооцож байсан. Тиймээс АНУ-ын зүгээс Хятадыг ОХУ-т туслах магадлалтай хэмээн үзэж хориг тавина гэдгээ сануулсан. Хариуд нь Хятадад суугаа АНУ-ын элчин сайд Орост туслахгүй гэдгийг мэдэгдлээ. Энэ нь Европын холбооны улсуудтай хийх Хятадын худалдааны эргэлтийн хэмжээ их байдагтай холбоотой юм.
Украйн улс 44 сая хүн амтай. Үүнээс 10 сая иргэн дайны улмаас амьдрах аргагүй болж эх орноосоо дүрвэсэн. НҮБ-ын гаргасан тоогоор 3 сая 200 мянган Украинчууд хөрш хотууд руу дүрвэсэн. Үлдсэн 6 сая 800 мянган иргэн орон нутаг дотроо дүрвэсэн байна. АНУ Украины иргэдийг 1 жилийн хугацаатай хүлээн авна гэсэн ч одоогоор 3000 иргэний л бичиг баримт бүрдсэн. Харин Их британид 1000 иргэн хилийн дээс алхаад байна. Украины нийслэл Киев хот нь 325 хавтгай дөрвөлжин миль талбайг эзэлдэг. Өргөн голоор хуваагддаг 500.000 орчим барилга байгууламжтай. Олон том үйлдвэрүүд, гоёмсог сүм хийд, олон давхар орон сууцнууд, нарийн, тахир дутуу гудамжтай. Эмэгтэйчүүд, хүүхдүүдийг нүүлгэн шилжүүлсний дараа ойролцоогоор 2 сая хүн үлджээ. Киев хот нь намгаар хүрээлэгдсэн нь хүнд зэвсгээр хотод ойртох боломжийг хааж байна. Замаас гарч буй танкууд аль хэдийн шаварт живж эхэлсэн. Одоогоор баруун өмнө зүгт чиглэсэн хурдны замд зэвсэг, хүнсний хангамжаа татах боломж нээлттэй байгаа юм.
Эх сурвалж:Нью Иорк Таймс