БНСУ-д өдөрт 400 мянга гаруй хүн өвчилж байна. Эдийн засгийн хямралаас болж иргэд, аж ахуйн нэгж ковидын хязгаарлалтаа цуцлахыг шаардаж байна. Тиймээс хоригоо сулруулсаар байна. Гуравдугаар сарын 21-нээс эхлэн гадаадаас ирсэн иргэдийг тусгаарлахгүй болжээ. Харин БНХАУ омикроны тархалттай холбоотой хориог чангатгаж байна. Жилинь мужид бүхлээр нь хөл хорио тогтоосон. Олон улсын компаниуд үйл ажиллагаагаа зогсоосон. Жишээлбэл Хятад дахь Аррle, Volksvagen компани түр үйл ажиллагаагаа зогсоосон. Орон нутгийн удирдлага зөвшөөрсний дараа ажиллаж эхлэх юм байна. Тус улсад өдөрт ковидын 5000 тохиолдол бүртгэгдэж байна.