Орос Украины дайн 4 дэхь долоо хоногтоо үргэлжилж байна. АНУ өөрийн хотууддаа Украины дүрвэгсэдийг 3 жилийн хугацаанд хүлээн авна гэдгээ хэлсэн. Украины Мариуполь хотод 43 удаа дайралтанд өртсөн.Энэ үед тус хотын театр агаарын довтолгоонд өртсөн. Театрт 1000 гаруй хүүхэд жирэмсэн эмэгтэйчүүд хорогдож байсан. Нас барсан иргэдийг зөөж байгаа бичлэг цахимаар цацагдсан юм. Харин ОХУ-ын зүгээс орон сууцны барилгууд руу довтлоогүй гэж мэдэгдээд байна. . В. Путин Украин улс зэвсэглэлээ хязгаарлаж, цаашдаа ОХУ-д аюул учруулахгүй гэдгээ батлан харуулах, Украинд орос хэл соёлыг хамгаалах, нацизмийн элементүүдийг хориглох зэрэг нөхцлүүдийг тавьсаар байна. В.Зеленский НАТО-д элсэхгүй, В.Путинтэй ганцаарчилсан хэлэлцээр хийхэд бэлэн гэдгээ мэдэгдсэн. НАТО-д элсэх Украины хүсэлтийг хүлээн аваагүй юм. Оросын төв телевизийн редактор Маринна Овсянникова дайныг эсэргүүцэн мэдэгдэл хийгээд, 48 цагийн турш байцаагдан торгууль төлж, ажлаа өгсөн. Франц улс Маринна Овсянниковаг хүлээн авна гэсэн ч тэрбээр зөвшөөрөөгүй. Түүнийг 15 жил хүртэл хоригдох магадлалтай байна гэж өмгөөлөгч нь хэлжээ. ОХУ-д жагсаал хийх боломжгүй байгаа. Жагсаал хийсэн 14 мянган хүнийг хорьсон байна.