Замын цагдаагийн гүүрэн гарц буюу Олимпын гудамж, Их Монгол Улсын гудамжийг холбосон, дөрвөн эгнээтэй, 477 метр урт, төмөр бетон гүүрийн хөдөлгөөнийг 2019 оны есдүгээр сард нээсэн. Явган хүний замгүй учраас иргэдийн шүүмжлэлд өртөж цар тахлын улмаас ажил нь удааширсан. Энэ гүүрийн ажлыг улсын баяраас өмнө дуусгахаар төлөвлөсөн. Нийт 295 метр урт явган хүний замыг налуу байдлаар хийснээр тэргэнцэртэй иргэд ч зорчих боломжтой болж байгаа юм.