Боловсруулах үйлдвэрүүд дутмаг байгаа нь экспортонд сөргөөр нөлөөлдөг.

access_time 2022-03-15 12:55

Цар тахлын нөхцөл байдалтай холбоотойгоор тээвэр ложистик удааширч бараа эргэлт саатаж буй нь Монгол Улсын эдийн засагт сөрөг үр дагаврыг дагуулж байна. Өнгөрсөн 2021 онд Монгол улсын бараа экспортын 92% буюу 8.509 сая долларыг зөвхөн уул уурхайн салбараас олсон.Үүнээс чулуун нүүрснээс 30% буюу 2.764 сая доллар, зэсийн хүдэр 2.900 сая доллар 31%, төмрийн хүдрээс 952 сая доллар, мөнгөжөөгүй алтаас 1.005 сая доллар байна.
Харин мал аж ахуйн салбарын бараа бүтээгдэхүүн экспортын салбарын зөвхөн 4%-ийг эзэлдэг нь маш бага тоо. Боловсруулах үйлдвэрүүд дутмаг байгаа нь эндээс харагдаж буй. Мал аж ахуйн салбарын экспортолж буй бараа бүтээгдэхүүнээс ноолуур 85% 315 сая доллар буюу 9.3 мянган тонн, амьд мал мах 6% буюу 24 сая доллар, малын өлөн гэдэс 15 сая доллар, ноос, хялгас зэрэг бусад бараа бүтээгдэхүүнээс 10 сая доллар болдог.
Аж үйлдвэрлэлийн салбараас экспортын бүтээгдэхүүний 4% буюу 360 сая доллар олсон. Хүнсний бүтээгдэхүүн 39% буюу 132 сая доллар, уул уурхай 31% буюу 110 сая доллар, ноолууран эдлэлээс 34 сая доллар байгаа юм. Газар тариалангийн салбараас бүр бага 0.1% буюу 6 сая долларын бараа бүтээгдэхүүн экспортонд гаргадаг. Үр тариа 88% буюу 5 сая доллар эзэлдэг байна. Энэ тоо энэ онд тал хүрэхгүй хувь болж буурах магадлалтай байгаа юм. Тээвэр ложистикийн салбарын саатал, эдийн засгийн уналт 11 сар хүртэл үргэлжлэх магадлалтай гэдгийг судлаачид хэлж байна. Орос Украины дайн ч дэлхийн эдийн засагт сөрөг үр дагаврыг авчирсаар байна.

Шинэ мэдээ