ХОЁР УЛСАД УЧИРСАН ХОХИРЛЫН ТООГ ЭЦЭСЛЭН ГАРГАХ БОЛОМЖГҮЙ БАЙНА

access_time 2022-03-10 10:29

Украины талаас мөргөлдөөний үеэр Оросын 11 мянган цэрэг амь үрэгдсэн гэсэн бол ОХУ 4800 гэсэн тоо гаргасан байна. Хоёр талын хохирлын тоог эцэслэн гаргах боломжгүй байгаа юм. Оросын тал Украины таван хотоос энгийн иргэдийг гаргах, нүүлгэн шилжүүлэх боломж олгоно. Кремыг Оросынх болохыг хүлээн зөвшөөрөх, цэрэггүй бүс болох, НАТО-д элсэхгүй байх гэсэн шаардлагыг Украин биелүүлэх юм бол гал зогсооход бэлэн байна гэдгээ хэлж байна. Европын холбоо өдөрт 118 сая ам/долларын байгалийн хийг Оросоос авдаг. АНУ байгалийн хийн 10% Оросоос авахгүй гэдгээ зарлаад Bенесуэлээс газрын тос авах санал тавьсан. Энэ саналыг Bенесуэль эерэг хүлээн авч газрын тосны олборлолтоо бага багаар нэмэгдүүлсээр АНУ-ын хэрэглээг хангаж чадна гэдгээ хэлжээ. Европын холбоо 2030 он гэхэд ОХУ-аас авдаг түлшийг бүрэн авахгүй гэсэн төлөвлөгөө гарган ажиллаж эхэлсэн. Мөн нүүрсний хэрэглээгээ нэмэх талаар Европын холбооныхон ярьж эхэлжээ. Европын холбоонд нийт 27 улс багтдаг юм. Хятад дипломат аргаар хоёр орны үл ойлголцлыг шийдэх ёстой гэдгээ хэлсэн. Оросын улаан буудайн импортод тавьсан хоригоо цуцалсан. Хятад улс жилд 240 тэрбум ам/долларын худалдааг ОХУ-тай хийдэг. Тиймээс төвийг сахина гэдгээ хэлсэн. Энэтхэг ч төвийг сахиж байгаа бөгөөд ОХУ-аас Батлан хамгаалах салбартаа 6.6 тэрбум долларын зэвсэг худалдаж авдаг. Харин Хятад 5.5 тэрбум долларын зэвсэг худалдаж авч байсан байна. Оросын худалдааны харилцаатай Хятадын компаниудын хувьцаа өссөн. Оростой хил ойрхон бүс нутгуудын хувьцааны үнэ бүр 95% хувь хүртэл өссөн үзүүлэлт гарчээ. Үүнийг Хятадын бизнесийнхэн салбарынхан эдийн засгийн ашигтай харилцаа эхлүүлэх боломж гэж харж байгаатай холбоотой хэмээн эдийн засагчид онцолж байна.

Шинэ мэдээ