Украины Ерөнхийлөгч Зеленский АНУ-ын Ерөнхийлөгчид талархал илэрхийллээ. Барууны орнууд байгалийн хийн 40 %-ийг ОХУ-аас авдаг. Жон Байден Оросын байгалийн хий, газрын тосны импортод бүрэн хориг тавьсан юм. Их Британи Оросын нефтээс бүрэн татгалзана. Эрчим хүчний эх үүсвэрээ өөр газраас шийднэ гэдгээ мэдэгдсэн байна. Оросын санхүүгийн гол эх үүсвэр нь байгалийн хий болон нефтийн бүтээгдэхүүн юм. Одоогоор дайнаас болж Украины 2 сая иргэн дүрвээд байна. Дайн эхэлснээс хойшхи 13 хоногийн тулаанд 50 хүүхэд амь үрэгдсэн гэж Зеленский мэдэгдсэн. Гал зогсоох хэлэлцээр үр дүнгүй байгаа учраас хүмүүнлэгийн коридороор энгийг иргэдийг гаргах талаар ярилцаж эхэлсэн байна. Иргэдийн хүнс хүрэлцэхгүй болж, тог цахилгаан тасарсан нөхцөл байдалтай байна.