Хууль зүй дотоод хэргийн сайд Х.Нямбаатар: Хөгжлийн банкинд хийсэн 2016 оны шалгалтын дүнг нийтэд ил болгоно

access_time 2022-03-09 14:08

Хууль зүй дотоод хэргийн сайд Х.Нямбаатар Засгийн газрын хуралдаанаас гарсан шийдвэрийг танилцууллаа. Тэрбээр Зөрчлийн хуулийг иргэд торгодог хууль гэж хардаг болсон. Тиймээс торгохоос илүү төр шалган тусалдаг зөвлөдөг хууль болгоход анхаарч байна. Зөрчил шалган шийдвэрлэх ажиллагааг цахимаар явуулдаг, хяналт тавьдаг болох процесс руу шилжүүлнэ. Шүүхээр ордог хэргүүдийг Эрүүгийн шүүхэд хүлээн авдаг болгохоор төлөвлөж байна. Мөн 2016 онд Хөгжлийн банкинд хийсэн шалгалтын дүнг нийтэд ил болгоно. Өнгөрсөн хугацаанд ямар ажлууд хийсэн, ямар хэргүүд замхарсан, хэдэн хэргийг шүүхэд шилжүүлснийг илчилнэ. Тухайн үед Олон улсын валютын сангийн хөтөлбөрт ороход эрсдэл үүсэх байсан учраас олон нийтэд ил тод зарлаагүй юм байна. Шалгалтын ажлын хэсгээс санхүүгийн үйл ажиллагаанд учирч буй эрсдлийг тооцоод санал дүгнэлтийг нь гаргаж өгсөн. Нийт 1.8 их наядын зээл хугацаа хэтэрснийг хэлж гадаад вальютын нөөцөд эрсдэлд үүссэнийг мэдэгдсэн. Хөгжлийн банкны дараа дараагийн удирдлагууд нь алдааг нь үргэлжлүүлээд явсан байна гэсэн мэдээлэл хийлээ

Шинэ мэдээ