Оросын армийн цэргийн ажиллагаа зорилгынхоо хүрээнд хэрэгжиж байна. Украинд тавьсан шаардлагыг хүлээн авах хүртэл нөхцөл байдал өөрчлөгдөхгүй хэмээн В.Путин мэдэгджээ. Орос Украйны гурав дахь уулзалт болсон ч төдийлэн үр дүнд хүрсэнгүй. Дөрөв дэхь уулзалтыг товлон хүмүүнлэгийн коридорыг бодитоор нь ажиллуулах хэрэгтэйг онцлоод салсан байна. Туркийн Анкара хотод хоёр талын Гадаад хэргийн яамны сайд нар уулзана. Путин 2022 оны турш зарим бараа бүтээгдэхүүний импорт экспортыг хорьсон. Гэхдээ иргэдийн хувийн хэрэгцээндээ зориулан авсан бараа бүтээгдэхүүн түүхий эдэд хамаарахгүй гэдгийг онцолжээ.
Мэдээллийн сувгуудаар Оросын нисэх хүчнийг бүрэн устгасан,. ОХУ-ын 190 мянган цэрэг Украйны нутаг дэвсгэрт нэвтэрч, 600 пуужин харвасан гэсэн мэдээлэл гарч байна. Улс төрийн шийдэл олоогүй удахаар болсонд олон нийт санаа зовж, энхийн хэлэлцээрт хүрэхийг дэлхий нийт хүлээж байна.Орост тавих барууныхны хориг үргэлжилж байна Банк санхүүгийн салбарынхан ОХУ-ын иргэдийг гадагшаа зорчиход 10 мянган доллараас дээш мөнгө авч явахыг хориглолоо.Мөн АНУ Оросын байгалийн хий, газрын тосны импортод хориг тавьсан. Укрианы талд танк, хуягт эсэргүүцэгчийг барууны орнууд нийлүүлсэн. ОХУ агаарын нисэх хүчин агаарын орон зайд илт давуу байгаа тул сөнөөгч онгоц нийлүүлэхийг Укрианы талаас барууныхнаас хүсчээ. Зүүн Европын орнууд онгоц нийлүүлэх боломжтой гэсэн хариу өгсөн. Гэхдээ одоогоор Укрианд онгоц өгөх зөвшөөрөл өгөөгүй байна. Украины дүрвэгсэдийн 1 саяыг нь Польш Улс эх орондоо хүлээн аваад байна. Польшийн иргэд дүрвэгсэдэд туслан хоол унд хувцсаар ханган найрсаг хандаж байгаа юм. Эдийн засгийн хоригоос шалтгаалж Оросын иргэд Финланд руу дүрвэж байна. Дэлхийн олон орон алт, зэс, ган, үр тариа, бордоо гээд олон бүтээгдэхүүнийг ОХУ-аас авдаг. Орос, Украйн дэлхийн улаанбуудайн 26%-ийг хангадаг. Дайн гарснаас хойш улаанбуудайн үнэ 30% өссөн . Хөдөө аж ахуйн бордоогоор ОХУ дэлхийд тэргүүлдэг. Тиймээс барууныхан бордооны хориг тавьж эхэлсэн. Бордоо хэрэглэснээр ургац нэмэгдэж дэлхий нийт хүнсний хомсдолд ордоггүй байсан юм. Дайны уршгаар хоёр орон хүнсний хомсдолд орох магадлал өндөр байна. Хятад улс бордооныхоо 80%-ийг Украйнаас авдаг. Ихэнхи орнууд хөдөө аж ахуй, газрын тосны салбарт эрсдэл үүслээ гэж үзэж байна. Дэлхийн зах зээлд нэг баррель нефтийн үнэ 139 долларт хүрсэн учраас Опекийн орнууд нөөц бүрдүүлж эхэлсэн. Оросын 53 хотод дайныг эсэргүүцсэн жагсаал болж 13000 хүнийг баривчилж саатуулаад байна.