Хан-уул дүүргийн 21 дүгээр хороонд баригдаж байсан орон сууцны барилга шатаж маш хурдацтай тархсан. Чанаргүй материалаар барилга барьснаас гал хүчтэй гарсан гэсэн мэдээлэл цацагдаж эхэлсэн. Шатсан байрны ойрхон 2 шатахуун түгээгүүрийн станц байршиж байсан нь эрсдэл үүсгэсэн ч гал унтраах ангиуд уйгагүй ажилласаны үр дүнд зогсоож чаджээ. Мөн Тавантолгой түлшийн үйлдвэрт уугилт гарсан бол Өмнөговь Гашуун Сухайт боомтоос Дундговь Дэлгэрцогт сум руу явж байсан машины чиргүүл шатсан хэрэг гарч бизенс эрхлэгчид удаа дараа хохирол удаа дараа хохирсоор байна. Тиймээс галын аюулаас сэрэмжлэхийг Онцгой байдлын Ерөнхий газраас олон нийтэд анхааруулсан. Нийслэлийн удирдлагууд баригдаж буй барилгын стандарт чанарт анхаарах үүргийг холбогдох газруудад өгсөн. Цар тахлаас шалтгаалж татан авалт саатснаар барилгын материалын үнэ огцом өсөлт гараад байгаа юм.