В.Путин: Украйныг зэвсэггүй бүс болгоно гэдгээ дахин хэллээ

access_time 2022-03-04 16:01

Орос Украйны дайн 9 дэхь өдрөө үргэлжилж байна. Украйны Запорожье цөмийн станцыг Оросын тал эзэлж авчээ. Цөмийн цогцолборын 3-5 дугаар давхарт гал гарсан. Украйны 1 сая иргэн эх орноосоо дүрвээд байна.Цаашид дайн үргэлжилсээр байвал 4 сая иргэн дүрвэнэ гэсэн тоо гарчээ. ОХУ Украйны хоёр дахь уулзалтаар хүмүүнлэгийн коридор нээх тохиролцоонд хүрсэн. Дайны бүсэд байгаа энгийн иргэдийн хотоос гаргахаар тохирч тухайн үед гал зогсоохоор ярилцсан байна. Удахгүй 3 дахь удаагийн уулзалт болно Дайны хөлд энгийн иргэд амь насаа алдан, эх нутаг, төрсөн гэрээ орхин хохирч байгаа нь хамгийн том хор хөнөөл. Дайн болсон орны эдийн засгийн, санхүүгийн салбар уналтанд ордог. Түүх соёл, нийгмийн дурсгал сүйддэг уршигтай. Оросын цэргүүд одоогоор Украйны 2 мужийг эзлээд байна. АНУ, Канад, Герман, зэвсэг нйилүүлж байгааг дайныг удаашруулах эрсдэлтэй хэмээн үзэж тохиролцоонд хүрэхийг дэлхийн орнуудын удирдагчид хэлж эхэлсэн. Мөн АНУ-аас ОХУ-ын 50 нэр нөлөө бүхий улстөрчдийн гэр бүлийг эх орондоо хүлээж авахгүй гэдгээ зарлаад байна. Оросын талаас бид Украйныг зэвсэггүй бүс нутаг болгоно гэдгээ дахин хэллээ. Европын холбоонд Украйныг бүртгэж авах эсэхийг ярилцаж байхад зэргэлдээх орнууд ч Европын холбоонд элсэх хүсэлтээ өгнө гэдгээ хэлж эхэлжээ.

Шинэ мэдээ