Нарны хорооллын оршин суугчдын халуун хүйтэн усыг Орон сууц нийтийн аж ахуйн газраас хаасан байна. Хаахдаа халуун хүйтэн усныхаа мөнгийг төлсөн айлуудын усыг хамт хааснаас болж иргэд Сууц өмчлөгчдийн холбооны хооронд маргаан үүсчээ. Орон сууц нийтийн аж ахуйн газраас орон сууцны нэг давхарын аж ахуйн нэгжүүд, 20 гаруй айл өрх мөнгөө төлөөгүй гэсэн тайлбар хийсэн. Иргэд мөнгөө төлсөн айл өрхийг хэлмэгдүүлж, ариун цэврийн өрөөндөө ч бие засах боломжгүй нөхцөлд амьдруулж байгаад гомдолтой байгаагаа хэлсэн юм. Өмнө нь ч ийм хууль бус үйлдлүүд гарч байсан. Ус, дулаан хэрэглэсэн айл өрхүүд нь мөнгөө төлж хэвшин, үйлчилгээ үзүүлж байгаа байгууллага хэрэглэгчдийн хохироохгүй байхад холбогдох газрууд нь анхаарах хэрэгтэй байгаа юм.