Нийслэлийн Засаг дарга Д.Сумъяабазар Өдрийн сонинд өгсөн ярилцлагадаа дараах ажлуудыг хийхээр төлөвлөсөн гэдгээ хэлжээ.

* 2022 оны 8 сараас 2023 оны 1 сарын хооронд импортоор орж ирж байгаа насжилт өндөртэй, он хуучин, цаад газраа аваар осолд орсон, буруу рультэй зэрэг тээврийн хэрэгслүүдэд импортын хязгаарлалт тогтооно. Гэхдээ одоо явж байгаа буруу рультэй тээврийн хэрэгслүүдийг ашиглалтаас гаргах хугацаа өгч 2025-2026 он хүртэл хөдөлгөөнд оролцуулаад шууд хориглоно.
* Нийслэлийн нутаг дэвсгэрт явж байгаа автомашины татвар, хураамжийг нэмэгдүүлнэ. Их тойруу руу буюу хотын төв рүү орж ирэхдээ автомашинууд тодорхой цэг дээр өндөр төлбөр төлж орж ирнэ. Их тойруу шиг бусад тойргуудыг бүсчилж гаргана. Хамгийн өндөр төлбөртэй нь Их тойруу буюу хотын төв байна.

* Замын түгжрэл ачаалалтайгаа уялдуулж номер олгох зохицуулалтыг нийслэл хийдэг болж зогсоолуудыг тодорхой болгон, төлбөрийн орчин үеийн систем нэвтрүүлнэ гэжээ