Укрианд байгаа Монгол улсын иргэдийг татан авах ажлыг хэрхэн зохион байгуулах талаараа ГХЯ-наас мэдээллээ. Монгол Улсын иргэдээс Харьков хотод 18 оюутан, 4 иргэн, Киев 12 оюутан, 3 иргэн, Кировоград хотод 2 оршин суугч байна.
Польш улс дайнаас зугтсан гаднын иргэдийг визгүйгээр нутаг руугаа нэвтрүүлж байна. Иргэдийг татан авах ажилд зориулан 500 сая төгрөг зарцуулах Засгийн газрын шийдвэр гарсан. Польшид байгаа иргэдээ Монголд авчирна. Иргэдээ 26-27-ны өдрүүдэд Киев, Истамбул хотоос онгоцоор татан авахаар тийз захиалсан ч нислэг цуцлагдсан тул газраар татан авахаар судалж байна. Украин дахь оюутнууд хоол хүнсний хомстол үүсэх эрсдэл үүссэн. Бид анхаарч ажиллаж байна.
Одоо хэлний бэлтгэлд явж буй оюутнууд Монголдоо ирвэл ирэх жил нэгдүгээр дамжаанд элсэх боломжгүй тул ирж чадаагүй. Харин төгсөх ангийн оюутнууд дипломоо авч чадахгүйд хүрэх вий хэмээн болгоомжилж байна. Бид оюутнуудад БШУЯ болон Варшав дахь ЭСЯ-аар дамжуулан хичээл сургуулийн асуудлыг шийдэх боломжтой гэж хариу илгээсэн.
Украины агаарын хил хаалттай, олон улсын нислэгүүд зогссон. Бид тусгай үүрийн нислэг үйлдвэл бидэнд зөвшөөрөл хэрэгтэй.Оюутнууд, Монголчуудаа ОХУ-ын нутгаар дамжуулан авах хувилбарыг мөн судалж байна. Оюутнуудад мөнгө  шилжүүлэхээр судалж байна. Харьков хотод банкууд ажиллахгүй байна. Хот дотроо байх нь хамгийн аюулгүй байгаа тул хотоос битгий гараарай гэж зөвлөе. ГХЯ-нд 24 цагийн Шуурхай штаб байгуулан ажиллаж байна. 7008-2222 утсаар холбогдон мэдээлэл авах боломжтой. Бид онцгой байдлын үед ажиллах дүрмээ мөрдөн ажиллаж байна. Нөхцөл байдал өөрчлөгдөж байгаа нь хүндрэл учруулж байна гэв.