УИХ-ын гишүүдээс 36 нь жижиг дунд үйлдвэрийн сангаас, 7 нь Хөгжлийн банкнаас зээл авсан. Авсан зээлээ төлөхгүй гэдийнэ төлсөн ч олон нийтээр шахуулан байж арай гэж төлдөг. Тиймдээ ч хууль бус үйлдлээ нуух дуртай. Мэдээллийг нь ил гаргаж тавьсан иргэдийг цахимаар хоёр үг бичсэн хэмээн шалгаж торгож сүйд болно. Мэдээж сүйд болох хөрөнгөтэй хүмүүс хөрөнгө орлогоо нууна. Одоогоор УИХ-ын 76 гишүүнээс 36 нь хөрөнгө орлогын мэдүүлгээ өгөөгүй байна. Хөрөнгө орлогын мэдүүлгээ өгөөгүй төрийн албан хаагчийг Авлигатай тэмцэх газраас ажлаас нь чөлөөлнө гэдгээ мэдээлсэн. Харин хөрөнгө орлогын мэдүүлгээ нуусан УИХ-ын гишүүдийг хэрхэх бол. Эргүүлэн татах эрх зүйн үндэслэл байхгүй гээд өнгөрнө. Хууль байгаа бол иргэд, их хурлын гишүүндээ ижил тэгш үйлчлэх учиртай биш бил үү. Хуулийн үйлчлэлийн зөрүү шударга гэдэг гишүүдийн шударга бусыг илчлээд байна.