Л.Оюун-Эрдэнэ: Хөгжлийн банкнаас зээл аваад хууль бусаар зарцуулсан намын гишүүдэд хариуцлага тооцно

access_time 2022-02-14 14:30

Монгол Улсын Ерөнхий сайд Л.Оюун-Эрдэнэ Хөгжлийн банкийг татан буулгахгүй. хувьчлахгүй экспортыг дэмждэг импортыг орлодог банк болгохын төлөө ажиллана.Байгуулагдсан цагаасаа хойш хөгжлийг дэмих статусаараа ажиллаж чадаагүй. Хөгжлийн банкны зээлийг хөгжилд хувь нэмэр оруулсан хэвийн зээл, зориулалтын бусаар зарцуулагдсан, шүүхийн маргаан үүсгэсэн хууль бус зээл гэж 2 ангилна. Бизнесийн зарчим алдагдсан байгаа бол шалгана. Хэвийн зээлтэй баялаг бүтээгчдийг дэмжинэ. Төрийн ордонд ч яригдаад шийдэж чадахгүй асуудлууд байна. Энэ асуудлуудыг олон нийтийн шүүхээр оруулж ёс суртахууны өндөрлөгт аваачин иргэдийн дэмжлэгийг авч шийдвэрлэхээс өөр арга алга. Засгийн газраас хөгжлийн төсөл гэж үзсэн мега зээлүүдийг Хөгжлийн банк санхүүжүүлж явах ёстой.Арилжааны банкаар олгож болох зээлийг өгөх ёсгүй. 2011 оноос хойшхи хууль бусаар зарцуулсан зээлийг эрүүгийн хуулийн дагуу мөнгө угаах хэргээр шалгана. Зүйлчлэлийг нь өөрчлөөд Улсын Ерөнхий прокурор оролцоод төрийн хохиролгүй болгоно.Төр мөнгийг нь төлөхгүй. Баялаг бүтээгчдийн эсрэг хийж буй үйлдэл биш. Бизнесийн чөлөөт өрсөлдөөнийг дэмжиж, удаан зөв ажиллах тогтолцоог бүрдүүлэх гэж байна. Хөгжлийн банкнаас авсан зээлээ хууль бусаар зарцуулсан хүмүүсийг Эрүүгийн хуулийн дагуу шалгах шаардлагатай. Хөгжлийн банкны балансыг цэвэрлэж, хуулийн дагуу хураагдсан эд хөрөнгийг дуудлагаар худалдан борлуулна. Монгол Улсын төсөв 40 их наядын багтаамжтай. Энэ 40 литрийн савыг яаж 100-200 литрийн багтаамжтай болгох вэ гэдэгт анхаарна. Нэг хүнд ноогдох дотоодын нийт бүтээгдэхүүн маш бага байна.Улсын төсөв 10-15 их наяд төсөвтэй. Тиймээс төр цэвэр тунгалаг байж улс төр эдийн засагт саад болох ёсгүй. Хөгжлийн банкнаас зээл аваад хууль бусаар зарцуулсан намын гишүүдэд хариуцлага тооцно гэв.

Шинэ мэдээ