Монгол Улс шар түвшинд шилжин олон улсын зорчих хөдөлгөөн бүрэн нээгдлээ. Шар түвшинд шилжснээр хөрөнгө оруулагч, жуулчид бүрэн тунд хамрагдсан тохиолдолд ажлаа явуулах, саадгүй зорчих боломжтой. Шар түвшинд иргэд амны хаалтаа зүүж, гараа ариутган, халдвар хамгааллын дэглэмээ сахисан хэвээр байна. Коронавирусын халдвар эхэлснээс хойш Монгол Улс 7 удаа хатуу хөл хорио тогтоож, 3 удаа улбар шар түвшинд шилжсэн. Үүнээс шалтгаалж экспорт буурч, ачаа тээврийн эргэлт саатсан. Эдийн засаг 5.3% агшиж, улсын төсөв 23%-иар тасалдсан байна.