Засгийн газрын 2019 оны 57 дугаар тогтоолд “Жил бүрийн 11 дүгээр сарын 1-ний өдрөөс 05 дугаар сарын 1-ний өдрийг хүртэлх хугацаанд хурдан морины уралдаан, сунгаа, үсэргээ зохион байгуулахыг хориглосугай” гэж заасан байдаг. Гэтэл жил бүрийн өвөл, хавар хурдан морины уралдаан зохион байгуулж, хүүхдийн эрүүл мэнд, амь насанд аюул учруулах зөрчил гардаг. Тиймээс МХЕГ-аас нйислэлийн мэргэжлийн хяналтын газруудад албан тоот хүргүүлж хүүхдийн хөдөлмөрийн тэвчишгүй хэлбэрийн нэгд тооцогддог хурдан морины уралдаанч хүүхдийн хөдөлмөр хамгаалал, аюулгүй байдлыг хангахад нутаг дэвсгэр бүртээ онцгойлон анхаарч ажиллахыг үүрэг болгосон. Хэрэв хүүхэд хохирсон бол гэм буруутай этгээдээс нөхөн төлбөр гаргуулах эрх зүйн орчныг бүрдүүлэх ёстой гэдгийг онцоллоо.