Баянзүрх, Сонгинохайрхан, Сүхбаатар дүүргийн 19 хороонд мөсөн халиа үүсээд байна. Иргэдийн хашаа, гудамж талбай мөсөөр дүүрч амьдрахад хүнд нөхцөл үүссэн. Ширгэсэн голын ус бүхий газруудад хүртэл мөсөн халиа үүсч буй. Зарим айл өрхүүд урсгалыг өөрчлөн, мөсөөр хаалт босгож байгаа бол цөөн ам бүлтэй ганц бие ахмадуудад илүү хүндрэл үүссээр байна. Зөвхөн Сонгинохайрхан дүүрэгт гэхэд мөсөн дунд амьдарч буй 400 гаруй айл өрхийг нүүлгэн шилжүүлэх шаардлагатай байгаа юм.