Хөгжлийн банкнаас 1 их наядын зээлийг улс төр тойрсон хэдхэн хүн 17 тэрбумаар нь барьцаагүйгээр авсан нь олон нийтэд ил болж эхнээсээ албан тушаалаа өгч эхэлсэн. Цаана нь дахиад хэдэн тэрбумаар нь идсэн эрх мэдэлтнүүд бий. Үнэн илрэх нь цаг хугацааны асуудал болсон. Ард иргэд банкнаас багахан хэмжээний зээл авах гэж хэдэн банкны босго элээж барьцаа хөрөнгө дутсан гэж буцдаг бол эрх мэдэлтнүүд татвар төлөгчдийн мөнгийг зээл нэрээр авсан хэрнээ төлөхгүй сууна гэдэг байж болшгүй зүйл. Авлига авсан албан тушаалтнууд хялбарчилсан журмаар хэргээ шийдүүлээд толгойгоо илүүлээд өнгөрдөг бол ард иргэд хэдэн арван жил авдаг. Нийгэмд шударга ёс гэж алга. Нам дамжсан бүлэглэл арай хэтэрлээ хэмээн иргэд бухимдах болсон. Тиймээс Хууль зүй дотоод хэргийн яамнаас авлига албан тушаалын хэргийг хялбаршуулсан журмаар шийдэхгүй гэдгээ хэлж, Хөгжлийн банкны зээлдэгчдийг Авлигатай тэмцэх газраар шалгуулахаар болсон. Харин иргэд Авлигатай тэмцэх газар хэргийг шалгахдаа танай манай талын хүн гэх улстөрчдийн захиалгагүйгээр үнэ зөв шийдэж татвар төлөгчдийн мөнгийг төсөвт буцааж төлүүлэх хэрэгтэй. Иргэд нь хэдэн арван жил шударга хөдөлмөрлөөд нэг байрны ч үнэ олж чадахгүй байхад хэдхэн хүн хувааж идээд суух нь зохисгүй. Ёс зүйгүй, хүн чанаргүй, мөнгөнөөс өөрийг бодохгүй хүмүүсийг монголын төрд оруулж албан тушаалд томилдгоо намын удирдлагууд болих хэрэгтэй. Жирийн намын гишүүдээс илүү улс төрчид урагшгүй шийдвэр энэ бүхний эх суурь гэдгийг хэлж байгаа юм.