МАН-ын сонгуулийн амлалтанд цалин тэтгэврийг инфляцийн үнийн өсөлттэй уялдуулан жил бүр нэмнэ гэсэн заалт бий. Энэ амлалт ахмадуудын сонголтыг авах үндсэн түлхүүр байлаа. Гэтэл сонгууль өнгөрөөд хоёр жил болсон ч эрх баригчид албан тушаал, суудал сэнтий ярьсаар 2 жилийн нүүрийг үзэж байна. Тиймээс их санасан газар есөн шөнө хоосон хонохын үлгэрийг сонсож  хүлээж цөхсөн ахмадууд хөдөлж эхлэв. Тэгэхдээ бүр тэтгэвэр нэмэхгүй бол төрийн ордон тойрч гороолно. Цар тахлын үед 300 мянган төгрөгний тэтгэвэр хаанаа ч хүрэхгүй байна. Үнийн өсөлтийг дийлж амьдарна  үнэхээр хэцүү байна хэмээн бухимдацгаав. .Жаахан удах юм бол улстөрчдөөс илүү улс төр хийж мэдэхээр байна. Төрийн томчууд харин тэдэнд улсын төсөвт мөнгө байхгүй. Хүүхдүүдийнхээ мөнгийг хасуулаад тэтгэврээ нэмүүл гэсэн хариу барив. Бухимдсан ахмадууд урдаас нь сайд  дарга нар,   орлогч, төрийн нарийн бичиг, зөвлөх, тоймгүй олон туслахуудынхаа тоог багасга. Тойрогтоо нэрээр тэрбумаар нь хуваан авч, шударга ажиллаж чаддаггүй хууль хяналтын байгууллагынхны цалинг  гурван сая хүргэн, хөшөө дурсгал барьж байхаар хэдэн ахмадаа одоо л бод. Сандал суудлаа нэмж болдог тэтгэвэр нэмж болдоггүй, ямар цаг үед амьдарч байна вэ. Сонгуулийн өмнө хэдэн төгрөг өгөхийг чинь хүлээж сууж тэвчихгүй гэцгээв. Тэтгэвэр нэмнэ, нэмэхгүй гэсэн маргаан дунд шахаанд орсон Ерөнхий сайд  ямар мэргэн ухаан гаргаж яаж шийдэхийг харах л үлдлээ.