Гурван сар гаруй хилээр орж ирэх бараа бүтээгдэхүүний татан авалт саатаж Замын-Үүд, Эрээнийг сахисан ахуйн нэгж, иргэд бухимдаж үнийн хөөсрөлт бий болж  худалдаачид үүдээ барьсан бол өнөөдөр өдөрт 68 чингэлэг ачаа хилээр нэвтэрч байна. Гэхдээ Эрээнд 9000 чингэлэг ачаа гацсан байгаа тул одоо ч бараа татан авалт хүлээгдэж байгаа. ЗТХЯ-наас мэдээлэл хийж ачаа барааг гаалийн бүрдүүлэлтийн дарааллын дагуу оруулж ирдэг. Дарга нарын ачааг түрүүлж зөөсөн юм байхгүй. Стратегийн ач холбогдолтой барааг л байгууллагын албан бичгийг үндэслэн татан авч байна гэдгийг онцолсон. Шадар сайдын зүгээс “Зам тээврийн хөгжлийн яам, ХХЕГ, Гаалийн ерөнхий газар, Гадаад харилцааны яам зэрэг холбогдох байгууллагууд ачаа бараа тээвэрлэлтийн үнийг тогтвортой барих, нутгийн гүн рүү ачигдаж буй чингэлэг болон бараа бүтээгдэхүүний тээврийн зардлын үнэ өртгийг цаашид бууруулах чиглэлд анхаарч ажиллахыг үүрэг болгосон. Царигаар ачаа тээвэрлэх боломж бүрдвэл  бараа татан авалт эрс сайжирна. Албаныхан энэ талаар яриа хэлэлцээр хийж байна.