Одоогоор 14 аймгийн 99 сум, 166 голомтод малын шүлхий өвчин гараад байна.Шүлхий өвчнөөс сэргийлэх зорилгоор малыг вакцинжуулах ажил эхэлсэн ч вакциныг нэгэнт өвдсөн малд хийгээд үр дүнгүй. Харин өвдөхөөс нь өмнө урьдчилан сэргийлж хийж хэрэгтэй гэдгийг эрдэмтэд онцолж байгаа. Малчдын хувьд вакцины үнэ өндөр, чанар муу цаг алдаж байгааг онцолж буй.   Шүлхий өвчний гаралтыг бууруулах, малын махаар дамжин хүн амд халдвар тараахаас сэргийлэх зорилгоор Улаанбаатар хот руу дээрх аймгуудаас мах оруулахыг хориглосон. Айл өрхүүдийг шинжилгээний бичигтэй гарал үүслийн гэрчилгээтэй малын махыг худалдан авч хүнсэндээ хэрэглэхийг мэргэжлийн байгууллагууд анхааруулсаар байгаа юм.