Гурван сарын турш иргэдийн бухимдлыг барсан Эрээний хил дээрх гацааг салбар хариуцсан сайд нь дөнгөхгүй Шадар сайд нь очин байж шийдсэн. Чингэлэг тээврийн үйл ажиллагаа жигдэрч аж ахуйн нэгж, иргэд арай уужуу амьсгалж одоо л нэг үнийн хөөрөгдөл буурч, бараа бүтээгдэхүүний хомстол арилах нь гэж баярлаж байсан. Гэтэл эм  эмнэлгийн хэрэгслийг эхний ээлжинд оруулж ирээгүйгээс Зүрх мартахгүй төслийн хүрээнд орж ирэх байсан хиймэл уушги, зүрхний бүрдэл хил дээр гацсанаас жаахан үрс зүрхний хагалгаанд орж чадахгүй болсон нь олныг сэтгэлийг гонсойлгов. Эм эмнэлгийн хэрэгслийн импортод анхаарахгүй бол иргэд нь өвдсөн үед бурхан байгаад ч туслах нь юу л бол. Хариуцсан  хүмүүс  нь анхаараад Зүрх мартахгүй төслийнхөнд туслахад яагаад болохгүй гэж.