Цагаан хадны тээвэрчдийн ар гэрийнхэн мэдээлэл хийв.

access_time 2022-01-13 14:27

Цагаан хаданд тээвэр хийж буй тээвэрчдийн ар гэрийнхэн мэдээлэл хийсэн. “Хилийн боомтод тээвэрт явахын тулд тээвэрчид 100-120 мянган төгрөг төлж 11-24 хоногийн хугацаанд тусгаарлагдаж байна. Ингэхдээ тээвэрчдийг 10-30 хүний бүрэлдэхүүнтэй тусгаарладаг. Үүнийгээ бөмбөлөг гэж нэрлэдэг. Хэрэв бөмбөлөгт нэг хүн ковидоор өвдсөн бол бусад жолоочийг тээвэрт гаргадаггүй. Өнөөдрийн байдлаар Цагаан хад хилийн боомтод 150 бөмбөлөг байна. Нийт таван мянга хоёр зуун хүн гэсэн үг.Цагаан хаданд гэрт тог цахилгаан халуун усгүй газарт жолооч нарт удаан байхад хэцүү байна. Өдөрт 100 хүрэхгүй машин тээвэрт явж байна. Зохицуулалт хийж буй хүмүүс дандаа танил талаа харж тээвэрт явуулж байна. Тиймээс УОК-ынхон газар нь очиж нөхцөл байдалтай танилцан  цөөн явсан жолооч нарыг тээвэрт гардаг, ашиг сонирхолын зөрчил үүсгэж буй байдлыг судлан үзэх хэрэгтэй байна. Тээвэрлэлтийн тоог ч  нэмэх шаардлагатай байна гэв.

Шинэ мэдээ