Монгол улс агаарын бохирдлын хэмжээгээрээ Хятад, Энэтхэгийн дараа дэлхийд гуравдугаар байранд орж байгаа. Нийслэлчүүд оройноос өглөө хүртэл хоолой хорсгосон гашуун утаан дунд амьдарч эрүүл мэндээрээ хохирч буй. Урд хөршөөс орж ирэх бараа бүтээгдэхүүний саатлаас шалтгаалж шахмал түлш барьцалдуулагч бодис тасарсан гэсэн мэдээлэл хөвөрч байсан бол шахмал түлш үйлдвэрлэх технологид алдаа гарч хаталтын процессыг дутуу хийснээс шалтгаалж уугилж их байгааг үйлдвэрийнхэн хүлээн зөвшөөрсөн. Эрчим хүчний Н.Тавинбэх шахмал түлшний үйлдвэрлэлийн горимд ямарч алдаа гараагүй. Технологийн горим алдагдаагүй гэж мэдэгдлээ. Нийслэлийн иргэд утаан дунд хорт бодисоор амьсгалан амьдарч байгаа нь үнэн. Засгийн газраас шахмал түлшний үйлдвэрлэлд хяналт шалгалт хийх үүрэг өгөөд байгаа юм. Иргэдийн хувьд галаа буруу түлж утаанд хордоод суухыг бодохгүй аль болох зуухаа сайжруулж дулаан амьдрахад анхаарч байгаагаа хэлж байгаа юм.