Шатахууны хомсдол Монгол улсад нүүрлэж иргэд машинаа гэрийнхээ гадна орхин нийтийн тээврээр зорчихоос өөр сонголт үлдээгүй хэдэн хоногийг олон нийт өнгөрөөсөн. Үүний үр дүнд шатахуун үнийг чөлөөлж дэлхий нийт дэхь зах зээлийн үнэ ханшаас шалтгаалж нефть импортлогчид  үнээ 100 төгрөгт багтаан өөрчлөх эрхтэй болсон. Энэ эрхээ эдлэн нэг л өглөө босоход нефтийн үнийг 20-50 төгрөгөөр нэмэгдүүлж хэрэглэгчиддээ бэлэг барих болсон. Он гармагц АИ92 бензиний үнэ 20 төгрөгөөр нэмэгдэж 2840 болсон бол, АИ95 бензиний үнэ 50 төгрөгөөр нэмэгдэж 3000 боллоо. Оросын Роснефтийн салбарыг Монголд оруулж ирэхгүй, газрын тосны үйлдвэрээ барьж чадахгүй. Барьсан ч Монгол Улсад хамгийн их хэрэглэгддэг АИ92 бензинийг үйлдвэрлэхгүй гээд асуудал ар араасаа ундарсан үед АМГТГ-аас нефть импортлогчдын бензиний нөөцөд хяналт хийнэ гэж мэдэгдэв. Зарлаж байж хийдэг хяналт шалгалт гэж юу байхав. Шаардлага хангахгүй бензин иргэдийн машиныг эвдэж байна гэсэн гомдол гарч хэмжилт хийн шалгалт хийнэ гэсээр дахин нэг шалгалт эхлэв.