Цар тахлын 4 дүгээр давалгаа эхэлж Монгол Улсад омикрон хувилбар 17 бүртгэгдсэн. Улсын онцгой комиссоос  1 дүгээр сарын 20-ноос 2 дугаар сарын 10 хүртэл омикроны оргил үед 20 мянга хүрч иргэдийг өвчлүүлэх судалгаа гарсан. Тиймээс сар шинийг гэр бүлийн хүрээнд цомхон тэмдэглэн өнгөрүүлэх хэрэгтэй. Хөл хорио тогтоохгүй байхаар тогтсон. Омикрон олноор гарч буй үед жирэмсэн, ахмад настан, вакцинд хамрагдаагүй хүүхдүүдийг эмнэлэгт хүлээж авна. Вакцин хийлгэсэн хөнгөн өвдөж буй иргэдийг гэрээр эмчлэх чиглэл өгсөн. Улсын хэмжээнд 4000 ор дэлгэгдсэн. Улаанбаатарт 1710 ор бэлэн байгаа. Цаашид 1200 ор нэмж бэлтгэхээр төлөвлөлөө. Эрсдэлд суурилсан хариу арга хэмжээ авна.Энхийг сахиулагч 241 залуусаас 231 нь ковидоор өвдсөн. Омикроны халдварлах чадвар өндөр. Олон хүн цугларсан газарт 90% халдварлуулах чадвартай гэж үзэж болно. Иргэд олон нийтийн газраар зорчихгүй, албан байгууллагуудыг ажилчдаа цахимаар ажиллуулах шаардлагатайг зөвлөсөн гэв.