Казахстан улсад шатахууны үнэ нэмснээс шалтгаалж бослого гарч Засгийн газар нь огцорч интернет тасалдсан. Тиймээс Монгол Улсын  Казахстанд ажиллаж, амьдарч байгаа нийт 4028 иргэн Монголын Консулын газрын шуурхай утсанд холбогдсон хүсэлт гаргах боломжтой. Үүсээд буй нийгмийн эмх замбараагүй байдлын улмаас монгол иргэдийн эрүүл мэнд, бие махбодид хохирол учирсан тохиолдол одоогоор гараагүй.

ГХЯ-наас үйл явдлын явцыг үргэлжлүүлэн анхааралтай ажиглаж байгаа бөгөөд жагсаал, цуглаан болж буй газруудаар явахгүй байхыг БНКазУ-д байгаа иргэддээ зөвлөж байна. Үүсээд байгаа нөхцөл байдалтай холбоотой яаралтай туслалцаа, зөвлөгөө авах бол Нур Султан дахь ЭСЯ-ны +77172266773,+77055840628, +77051395535 болон Консулын газрын 83042222 дугаарын шуурхай утсаар холбогдох боломжтой юм.