УИХ-ын МАН-ын бүлгээс мэдээлэл хийлээ. Мэдээлэлдээ 2022 оны төсвийг батлахдаа нийт 2,8 их наяд төгрөгөөр Нийгмийн даатгалын санг баталсан. 800 гаруй тэрбум төгрөгийг улсын төсвөөс татаас хэлбэрээр өгч алдагдалтай ажиллаж байна. Хоёр их наяд төгрөгийн Нийгмийн даатгалын шимтгэл цуглуулж 1.3 их наядыг тэтгэвэрт өгч үлдсэнийг нь тэтгэмжид өгнө. Одоогоор тэтгэвэр нэмэх боломжгүй. Мөнгөний боломжтой үедээ өгнө гэсэн. Он гарахын өмнө ахмадууд УИХ-ын гишүүн Б.Пүрэвдоржийн өргөн барьсан хуулийн төслийг УИХ-аар хэлэлцэж тэтгэврийг нэмэх болов уу гэж хүлээсэн ч талаар болсон. Арга барсан иргэд шинэ оны босгон дээр эрх баригчдыг бэлэг болгон зарлана гэж хүлээсэн ч их санасан шөнө хоосон хонохын үлгэр болов. Тиймээс яам, агентлаг нэмж байгуулан төсвийг зардлыг нэмж, хөшөө босгон үргүй зардал гаргаж байхаар улсад 30 гаруй жил нийгмийн даатгал төлж, хийдгээ хийсэн хэдэн ахмадынхаа тэтгэврийг нэмэхгүй хэмээн олон нийт бухимдаж байна.