УИХ-ын гишүүн Б.Пүрэвдорж тэтгэврийг дараалсан таван жилээр тооцох хуулийн төслийг УИХ-д өргөн барьсан. Энэхүү хуулийн төслийг байнгын хороо чуулганы хуралдаанаар хэлэлцээд дэмжигдсэн тохиолдолд 300-400 мянган төгрөгний тэтгэвэр авч буй  ахмадуудын тэтгэвэр 120 мянгаар нэмэгдэх боломжтой. 2018 онд нийгмийн даатгалаас олгох тэтгэвэр тэтгэмжийн хуульд өөрчлөлт орсноор тэтгэврийг дараалсан долоон жилээр тооцдог болсон нь ахмадуудыг 30-32 жил  нийгмийн даатгалын шимтгэл төлсөн ч бага тэтгэвэр авах нөхцлийг бүрдүүлсэн юм.