Өмнөх нийгмийн үед мал аж ахуйн салбарыг стратегийн гол салбар хэмээн үзэж ямар нэг халдварт өвчин гарсан бол тэр дор нь арга хэмжээ авч, тархац цар хүрээг нь хумих талд анхааран ажилладаг  байсан. Харин өдгөө Монгол улсын 10 аймагт малын шүлхий, арьс товруутах өвчин гарч, махны экспорт зогсох хэмжээнд хүрээд байхад хүртэл өвчний гаралт цар хүрээг бүрэн хумиж чадахгүй байна. Энэ нь малчид малд нь ямар нэг өвчний шинж тэмдэг илэрсэн дор мэдэгдэхгүй байгаагаас бэлчээрээр дамжин малаас малд халдаж байна хэмээн мэргэжилтнүүд тайлбарлаж байгаа. Иргэд мах худалдан авахдаа гарал үүслийн гэрчилгээг нь үзэхгүй бол хэцүү боллоо. Шүлхий гарсан бүс нутгаас малын мах хотод орж ирэхгүй байхад анхаарах хэрэгтэйг.  . Төрөөс шүлхий өвчний голомтыг нэн яаралтай хумиж, вакцины үйлдвэрээ барихад анхаарах цаг болсон. Малыг вакцинжуулах ажил зогсоогоогүй төсвөөс 10 тэрбум төгрөгийг хуваарилж өгсөн гэж байгаа боловч хамгийн гол нь дотооддоо 25-30 сая тун вакцин үйлдвэрлэх хүчин чадалтай үйлдвэрээ барих ажлыг эрчимжүүлэх хэрэгтэйг онцолж байгаа юм.