Ковидын шинэ омикрон хувилбар бүртгэгдэж улс орнууд хилийн хориг тавьж хүний хөдөлгөөнийг хязгаарласан. Үүнтэй холбоотой Монгол улсын худалдааны гол түнш ОХУ, Хятад улс хилийн хориг тавьсан. Саяхан ОХУ Монгол улсын иргэдийг зорчих хөдөлгөөнийг нээсэн боловч Хятад олимп зохион байгуулах үед эрсдэл үүсч болзошгүй хэмээн хилийн хоригоо чангатгаснаар Монгол улсад орж ирэх бараа бүтээгдэхүүний эргэлт удааширч аж ахуйн нэгжүүд нэг чингэлгийг 4 саяар татдаг байсан бол 40 сая хүртлээ үнийн дүн өссөн. Монгол жолооч нараас ковид илэрсэн нь дайран дээр давс нэмсэнтэй адил болов.  Зарим иргэд хоёр хөрш орон бойкот хийж, хилээ хааж байна. Үндэсний үйлдвэрлэлээ хөгжүүлээгүй, далайд гарцгүй орон болохоор эдийн засгийн хараат гэдгээ мэдэрлээ  гэх болсон. ОХУ усан цахилгаан станц  барихыг дэмжихгүй, зарим ач холбогдол бүхий газар нутагт санаархлаа хэмээх хардлагыг ч хэлж байгаа.  Албаныхан хоёр орны харилцаанд нөлөөлж болзошгүй учир мэдээллээ зөв өгөх хэрэгтэй хэмээн учирлаж байна. Ямартаа ч гуравдагч орноор дамждаг бараа бүтээгдэхүүн хүртэл арай хямд тооцогддог учир  Хятадаар дамжин орж ирдэг нь үнэн. Эрээний холбогдох албаныхан эрслийн үнэлгээ хийж, жин хэмжээ зөрөх асуудал үүсч байна. Ажил хариуцсан хүмүүс анхаарах хэрэгтэй гэж зөвлөсөн. Хүссэн ч эс хүссэн ч ковидын нөхцөл байдлыг харан, бараа бүтээгдэхүүнээ хүлээн, эдийн засгаа сэргээх талд анхаарч ажиллахаас өөр аргагүйд хүрч байна