Авлигачдын цуваа нэмэгдсээр….

access_time 2021-12-01 15:34

Өмнөговь аймгийн Хан-Богд сумын Засаг дарга Х.Нэхийтийн ажлын өрөөнөөс их хэмжээний валют илэрсэн, ИТХ-ын дарга Х.Бадрааг Хятад иргэдэд Монгол улсын газар нутгийг хууль бусаар зарсан үндэслэлээр хуулийн байгууллагаас шалгаж эхэлсэн гэсэн мэдээлэл хэвлэлээр цацагдаж эхэлсэн. Авлига хээл хахуулийн эх уурхай нь төрийн алба болж тэр дундаа удирдах албан тушаалтнууд хууль зөрчиж байгаа нь сэтгэл зовоох асуудал болсон. Нэг хүний идээд дуусах мөнгө бус түмэн олны татварын мөнгөнөөс хумсалсан, эх орны аюулгүй байдалд нөлөөлөхүйц үйлдэл гаргасан асуудлууд давхар сөхөгдөнө. Төрийн албаныхны өрөөнөөс алт, бэлэн мөнгө, их хэмжээний валют илэрлээ, оймсондоо  боодлоор нь доллар хавчуулсан баримтыг зураг хөрөгтэй бичлэгтэй нь үзүүлээд сануулаад байгаа. Гэтэл авлига авахаа зогсоохгүй байгаа нь анхнаасаа төрийн удирдах албан тушаалд ёс зүйтэй, харилцааны соёлтой, шударга үнэнч, мэдлэг чадвартай хүмүүсийг томилохгүй намын томилгоо нэрээр танил тал харсан, ах дүү хамаатан хүрээлэл үүсгэснээс энэ бүхэн эхтэй. Тиймээс ч ямарч чадваргүй хэрнээ даргын сэтэртэй, ажилтан албан хаагчдаа дарамталсан, албан тушаал бөглөсөн дарга нэртэнгүүд төрийн албаны ажил явуулахад хүндрэл үүсгэж  арга барсан эрх баригч намынхан 6-аас дээш жил ажилласан төрийн болон төрийн өмчит компаниудын удирдах албан тушаалтнуудыг солих шийдвэрийг гаргах гэж байна. Гэхдээ энэ шийдвэр улс төрийн тохироон дунд замхарч чиний тал миний тал, танай фракц манай фракц гээд замхарчихгүй хэрэгжих юм бол авлигачдаасаа салах алхмын нэг гишгүүр болох биз ээ.

 

Шинэ мэдээ