Монгол улсын 2300 иргэний ажил эрхлэлт, утасны дугаар,  гэрийн хаяг,имэйл хаяг, банкны дансны дугаарын мэдээллийг гаднын сайтад хакерууд 700 доллараар зарах зар нийтэлсэн.Энэ зарыг Тагнуулын ерөнхий газраас шалгаад Хаан банкинд бүртгэлтэй иргэдийн мэдээлэл байж болзошгүй гэж үзэж байгаагаа танилцуулсан юм. Харин Хаан банк энэ мэдээллийг үгүйсгэж бид иргэдийн мэдээллийг алдаагүй гэж мэдэгдээд байгаа юм.

Цахим аюулгүй байдал олон нийтийн сэтгэлийг зовоосон энэ үед төрийн болон хувийн хэвшлийн байгууллагуудыг ажилчдынхаа цагийг хурууны хээгээр авахыг төрөөс хориглохоор боллоо. Ингэснээр хувь хүний дахин давтагдашгүй мэдээллийг агуулдаг хурууны хээг зөвхөн иргэний үнэмлэх авах, сонгуульд оролцоход л ашиглахаар болж байна. Цаашид төрийн байгууллагууд хууль зөрчин цаг бүртгэлд хурууны хээ ашиглаж байгаа эсэхэд холбогдох байгууллагууд тогтмол хяналт шалгалт хийх юм.