Өмнөговь аймгийн Цогтцэций сумын нутаг дахь Тавантолгойн уурхайгаас Говьсүмбэр аймгийн Сүмбэр сум хүртэлх улсын чанартай авто замаар нүүрс тээвэрлэхийг нутгийн иргэдийн хүсэлтийг үндэслэн 10 дугаар сарын 20-ноос хориглосон шийдвэрийг  Зам тээвэр хөгжлийн яамнаас гаргасан. Энэхүү шийдвэрийг нүүрс тээврийн жолооч нар эсэргүүцэж суулт зарлан тэмцлийн хурц хэлбэрт шилжинэ гэж мэдэгдсний дараа цуцаллаа. Шийдвэрээ 2022 оны гуравдугаар сарын 31-ний өдрөөс эхлэн дагаж мөрдөхөөр хойшлуулсан байна.