“Замын хөдөлгөөн, тээврийн ухаалаг систем”-ийг нэвтрүүлэхээр төлөвлөж байна. Дэд систем болох “RFID бүртгэлийн систем”-ийг нэвтрүүлснээр нийслэлийн 161 цэгт буюу Улаанбаатар хотын авто замын уулзварууд болон шалган нэвтрүүлэх товчоон дээр RFID уншигч төхөөрөмжийг суурилуулах ажлыг зохион байгуулах юм. Системийг “Авто замын хөдөлгөөн зохицуулалт, төлөвлөлтийн систем”-тэй холбоход шаардлагатай тооцоо, судалгааг хийж, ачаалал өндөртэй зарим цэгт хийсэн туршилт хийх юм байна. Зам тээврийн байгууллагуудын үндсэн үйл ажиллагаанд орчин үеийн дэвшилтэт технологийн шийдлийг нэвтрүүлж, цаг хугацаа, зардал хэмнэх, тээврийн хэрэгслийн тоон өсөлтөөс хамааран гарах сөрөг үр дагавруудыг зохицуулах, тээврийн хэрэгслийн бүртгэлийн автоматжуулалт, хиймэл оюун ухаанд суурилан удирдаж, хянахаар төлөвлөж байгаа юм.